Եթե նախադասությունները ճիշտ միացնես մի հետաքրքիր պատմություն կկարդաս։
Մեզ մի պատմություն է հասել մի կղզու մասին, որը եղել է մեծ, հարուստ և գեղեցիկ։
Այդ կղզում է գտնվել ռազմատենչ թագավորների մեծ ու ահեղ տերությունը, և այդ թագավորներից ամենաավագը տիրել է ամբողջ կղզուն։
Այդ թագավորի անունը Ատլանտ է եղել, և Ատլանտի օրոք չքնաղ կղզին ծաղկել է ու ծաղկել։
Բայց կղզուն դժբախտություն է պատահել, որովհետև աստվածները բարկացել են ատլանտների վրա։
Հողն սկսել է ցնցվել, լեռները ծուխ ու կրակ են ժայթքել, երկրաշարժ է եղել, և այդ երկրաշարժից մի օր ու գիշերում Ատլանտիդան սուզվել է ծովի տակ։
Չքացել են բնակիչները`ատլանտները, չքացել են հզոր թագավորները, չքացել է հրաշք կղզին`Ատլանտիդան, իսկ այս պատմությունը Ատլանտիդայի մասին մնացել է։